PM Kisan 19th Installment : पीएम किसानचा १९वा हप्ता शेतकऱ्यांच्या खात्यावर लवकरच! अपेक्षित तारीख आली समोर

केंद्र सरकारने शेतकऱ्यांना पीएम किसानचा १८वा हप्ता दिला आहे. आता १९ वा हप्त्याची वाट शेतकरी पाहत असून तो लवकरच जमा होणार आहे. याबाबत अपेक्षित तारीख समोर आली असून १९ वा हप्त्याचा लाभ नव्या वर्षात फेब्रुवारी महिन्यात मिळणार आहे.दरम्यान देशातील शेतकऱ्यांच्या स्थितीवरून संसदीय समितीने चिंता व्यक्त केली आहे. समितीने शेतकऱ्यांची आर्थिक स्थिती सुधारण्यासाठी शिफारस करताना, किसान सन्मान निधीची रक्कम वाढविण्याची शिफारस केली आहे. सध्या देण्यात येणाऱ्या रक्कमेत दुप्पट वाढ करण्यात यावी, अशीही शिफारस समितीने केली आहे.