मंगळवेढा येथील सार्वजनिक शिवजयंती उत्सव मंडळाच्या वतीने आज दि.२० डिसेंबर रोजी शिव मुक्काम दिनानिमित्त सायं ६.०० वाजता शिवालयात छत्रपती शिवाजी महाराजांच्या उत्सव मूर्तिचे पूजन करून दीपोत्सव व मिठाई वाटप करण्यात येणार असल्याची माहिती मंडळाचे अध्यक्ष गणेश सावंजी यांनी दिली. आज दि.२० डिसेंबर १६६५ रोजी हिंदवी स्वराज्याचे संस्थापक छत्रपती शिवाजी महाराज कर्नाटक मोहिमेवरती जात असताना मंगळवेढे येथे मुक्कामी होते.
यामुळे छत्रपतींच्या पदस्पर्शाने पावन झालेली मंगळवेढा नगरी म्हणून ओळखली जाते प्रत्येक वर्षी सार्वजनिक शिवजयंती उत्सव मंडळाच्या वतीने विविध उपक्रम राबवून शिव मुक्काम दिन साजरा केला जातो. या मुक्काम दिनानिमित्त लख्ख दिव्यांनी शिवालय उजळून निघणार आहे यासाठी सदर कार्यक्रमास सर्व शिवभक्तांनी उपस्थित रहावे असे आवाहन सार्वजनिक शिवजयंती उत्सव मंडळाच्या वतीने करण्यात आले आहे.
