सांगोला विधानसभा मतदारसंघातून आमदार डॉ. बाबासाहेब देशमुख यांची आमदारपदी निवड झाल्यानंतर त्यांनी विधानसभेमध्ये अनेक प्रश्न ंचा वाचा फोडलेला आहे. त्यांनी सांगोला तालुक्यातील अनेक समस्या, प्रश्न सोडवण्याची मागणी सविस्तरपणे विधानसभेत मांडली. त्यामुळे सर्वत्रच आमदार डॉ. बाबासाहेब देशमुख यांचे कौतुक होत आहे. आमदार डॉ. बाबासाहेब देशमुख यांनी मुंबई येथे राज्याचे सार्वजनिक बांधकाम मंत्री ना. शिवेंद्रराजे भोसले यांची सदिच्छा भेट घेतली.
यावेळी शिवेंद्रराजे भोसले यांनी स्व. भाई आमदार गणपतरावजी देशमुख साहेब यांच्या जुन्या आठवणींना उजाळा दिला. तसेच जे काही सांगोला तालुक्यातील प्रलंबित प्रश्न आहेत ते सरकारच्या माध्यमातून एक लोकप्रतिनिधी म्हणून समस्या सोडवण्यासाठी जातीने लक्ष घालणार आहे आणि या पुढील काळात सांगोला विधानसभा मतदारसंघातील कामासाठी माझी नेहमी मदत राहील अशी ग्वाही देखील त्यांनी यावेळी दिलेली आहे.
यावेळेस डॉक्टर बाबासाहेब देशमुख यांनी सांगोला तालुक्यातील अनेक प्रलंबित विकास कामासंदर्भात त्यांच्याबरोबर सविस्तर चर्चा केली आणि ना. शिवेंद्रराजे भोसले यांच्याकडून देखील त्यांना सकारात्मक प्रतिसाद मिळाला असल्याचे आमदार डॉ. बाबासाहेब देशमुख यांनी सांगितले. ना. शिवेंद्रराजे भोसले यांना भेटल्यानंतर आपणास खूप आनंद झाला त्यांची नेहमीच आपुलकीची भावना राहिली असून त्यांच्या आशीर्वाद नेहमीच आपल्याबरोबर राहतील असे प्रतिपादन आमदार डॉ. बाबासाहेब देशमुख यांनी केले.
