सध्या 2023 या आर्थिक वर्षातील थोडे दिवस उरले आहेत. अशा वेळी नवीन वर्ष सुरु होण्यापूर्वी काही महत्वाचे बदल घडत असतात. त्यामुळे अनेक कामांची मुदत 31 डिसेंबरला संपत आहे.यामध्ये म्युच्युअल फंड आणि डिमॅटमध्ये नॉमिनी जोडणे, SBI अमृत कलशमध्ये गुंतवणूक, आणि बँक लॉकर कराराची शेवटची तारीख यासारख्या अनेक महत्त्वाच्या गोष्टींचा समावेश आहे. त्यामुळे तुम्ही 5 महत्वाच्या कामांबद्दल जाणून घ्या जे 31 डिसेंबर पर्यंत पूर्ण करणे आवश्यक आहे.
स्टेट बँक ऑफ इंडिया (SBI) आणि बँक ऑफ बडोदा (BOB) मध्ये बँक लॉकर असलेल्या ग्राहकांना बँकेशी संबंधित एक महत्त्वाचे काम 31 डिसेंबरपर्यंत पूर्ण करावे लागेल. सर्व बँकांना आरबीआयने त्यांच्या ग्राहकांना बँक लॉकरसाठी नवीन करारावर स्वाक्षरी करण्यास सांगितले आहे. जर तुमचेही SBI किंवा बँक ऑफ बडोदामध्ये बँक लॉकर असेल तर तुम्हाला हे महत्त्वाचे काम पुढील 14 दिवसांत पूर्ण करावे लागेल.
तुम्ही 31 डिसेंबर 2023 पर्यंत तुमच्या म्युच्युअल फंड खात्यात नॉमिनी घोषित न केल्यास, तुमचे म्युच्युअल फंड खाते बंद केले जाईल. याचा अर्थ असा की तुम्ही ही अंतिम मुदत चुकवल्यास, तुम्ही पैसे काढू किंवा जमा करू शकणार नाही. म्युच्युअल फंडांसोबतच, डीमॅट खातेधारकांना 31 डिसेंबरपर्यंत नॉमिनी करणे बंधनकारक आहे.
आर्थिक वर्ष 2022-23 म्हणजेच मूल्यांकन वर्ष 2023-24 साठी आयकर रिटर्न भरण्याची अंतिम मुदत 31 जुलै 2023 होती. जे या तारखेपर्यंत ITR दाखल करू शकले नाहीत ते 31 डिसेंबर 2023 पर्यंत विलंब शुल्कासह अद्यतनित ITR दाखल करू शकतात.
स्टेट बँक ऑफ इंडियाच्या विशेष एफडी स्कीम अर्थात अमृत कलश योजनेसह अनेक विशेष एफडीची अंतिम मुदत 31 डिसेंबर रोजी संपत आहे. या परिस्थितीत, आपल्याकडे 15 दिवस शिल्लक आहेत. तुम्ही SBI ची विशेष FD योजना अमृत कलश, IDBI बँकेची विशेष मुदत ठेव योजना अमृत महोत्सव आणि इंडियन बँकेच्या Ind Saver Name FD योजनेत 31 डिसेंबरपर्यंत गुंतवणूक करू शकता.
जर तुमच्याकडे देखील UPI आयडी असेल जो तुम्ही एका वर्षापेक्षा जास्त काळ वापरला नसेल तर तो 31 डिसेंबरनंतर बंद होईल. अशा परिस्थितीत, जर तुम्ही गेल्या एका वर्षात तुमचा कोणताही UPI आयडी वापरला नसेल, तर तो लवकरात लवकर वापरा. यामुळे तुमचा UPI आयडी बंद होणार नाही. अशा प्रकारे ही महत्वाची कमी तुम्ही 31 डिसेंबरपर्यंत पूर्ण करणे आवश्यक आहे.
