अनेक भागात विविध कार्यक्रमांचे आयोजन अनेक विविध कार्यक्रमानिमित्त आयोजित केले जातात. संजय घोडावत विद्यापीठाचे, चेअरमन, उद्योजक संजय घोडावत यांचा वाढदिवस २८ फेब्रुवारी रोजी सकाळी १०.३० वाजता घोडावत विद्यापीठाच्या प्रांगणात विविध कार्यक्रमांच्या आयोजनाने साजरा करण्यात येणार असल्याची माहिती विश्वस्त विनायक भोसले यांनी दिली. संजय घोडावत यांच्या वाढदिनी विविध कार्यक्रमांचे आयोजन केले असून गायक आयुष्यमान खुराणा यांची उपस्थिती लक्षणीय आहे. या कार्यक्रमास महाराष्ट्रातील विविध क्षेत्रातील मान्यवर, उद्योजक, अधिकारी उपस्थित राहणार आहेत.
विशेष म्हणजे याप्रसंगी बॉलीवूड फिल्म स्टार, गायक आयुष्यमान खुराना प्रमुख पाहुणा म्हणून उपस्थित राहणार आहे, याप्रसंगी विद्यापीठाचे वार्षिक स्नेहसंमेलन उमंग कार्यक्रमाचे उद्घाटन मान्यवरांच्या हस्ते होणार आहे. यामध्ये संगीत, नृत्य, फॅशन शो, गायन, नाटक याद्वारे विद्यार्थी आपले कलागुण सादर करणार आहेत.
त्याचबरोबर कला, क्रीडा, संस्कृती, साहित्य, शिक्षण, उद्योग क्षेत्रात अतुलनीय कामगिरी करणाऱ्या नेतृत्वाला एसजीयु आयकॉन २०२५ पुरस्कार देऊन सन्मानित करण्यात येणार आहे. विद्यापीठ स्तरावर या वार्षिक स्नेहसंमेलनाची आणि वाढदिवसाची जय्यत तयारी सुरू असल्याचेही श्री. भोसले म्हणाले.
