पोस्ट ऑफिस आपल्या ग्राहकांसाठी विविध बचत योजना चालविते. तुमचे उत्पन्न वाढवण्यासाठी गुंतवणूक करायची असेल, तर तुमच्यासाठी पोस्ट ऑफिसची (investment) एक चांगली योजना असून या योजनेत पैसे गुंतवल्यास निश्चित उत्पन्नासाठी सर्वोत्तम पर्याय आहे. पोस्ट ऑफिस अनेक प्रकारच्या बचत योजना चालवते आणि त्यांच्या अनेक योजना लोकांमध्ये लोकप्रिय आहेत. पोस्ट ऑफिसमधील गुंतवणूक सामान्यतः सुरक्षित मानली जाते, म्हणूनच लाखो लोक पोस्ट ऑफिसला गुंतवणुकीसाठी प्राधान्य देतात. अशा स्थितीत जोखीममुक्त गुंतवणूक करून पोस्ट ऑफिसच्या योजनेतून तुम्हीपण उत्कृष्ट परतावा मिळवू शकता. मासिक उत्पन्न योजना ही पोस्ट ऑफिसची लोकप्रिय योजना आहे, ज्याला MIS म्हणूनही ओळखले जाते.
पोस्ट ऑफिसच्या या योजनेत एकल आणि संयुक्त (तीन व्यक्तींपर्यंत) दोन्ही खाती उघडता येतात.(investment) त्याचा परिपक्वता (मॅच्युरिटी) कालावधी पाच वर्षांचा असून सध्या MIS वर १ एप्रिल २०२३ पासून ७.४% व्याज मिळत आहे.
१००० रुपयांपासून सुरुवात करू शकता
पोस्ट ऑफिसच्या MIS योजनेत खाते उघडल्याच्या तारखेपासून एक महिना पूर्ण झाल्यावर तुम्हाला व्याजाचा लाभ मिळू लागतो. म्हणजेच व्याज तुम्हाला मासिक आधारावर दिले जाते. MIS योजनेत फक्त एक हजार रुपयांमध्ये खाते उघडता येते, ज्यात दोन प्रकारे (एकल आणि संयुक्त) खाते उघडण्याची सुविधा देण्यात आली आहे.
पोस्ट ऑफिस MIS मध्ये गुंतवणुकीची मर्यादा
पोस्ट ऑफिस मासिक उत्पन्न योजनेअंतर्गत एका खात्यात जास्तीत जास्त ९ लाख रुपये जमा केले जाऊ शकतात तर, संयुक्त खात्यात १५ लाखांची मर्यादा आहे. सध्याचा या योजनेचा व्याज दर वार्षिक ७.४% असून एकूण मूळ रक्कम पाच वर्षांच्या मुदतीनंतर काढता येते. तसेच ही योजना तुम्ही आणखी पाच-पाच वर्षे वाढवू शकता. तर खात्यावर मिळणारे व्याज दर महिन्याला तुमच्या पोस्ट ऑफिस बचत खात्यात जमा केले जाते.
मॅच्युरिटीपूर्वी पैसे काढल्यास
जर तुम्हाला योजनेच्या मुदतपूर्तीपूर्वी तुमचे खाते बंद करायचे असेल, तर तुम्ही गुंतवणुकीच्या तारखेपासून एक वर्ष पूर्ण झाल्यानंतरच करू शकता. खाते उघडल्याच्या तारखेपासून १ वर्षानंतर आणि तीन वर्षापूर्वी खाते बंद केल्यास गुंतवणुकीच्या रकमेपैकी २% वजा केली जाईल आणि उर्वरित रक्कम दिली जाईल. तर खाते तीन वर्षांनंतर आणि उघडण्याच्या तारखेपासून पाच वर्षापूर्वी बंद केल्यास मुद्दलाच्या १% इतकी वजावट केली जाईल (investment) आणि शिल्लक रक्कम दिली जाईल.
पत्नीसह MIS खाते उघडल्यास मिळेल लाभ
पोस्ट ऑफिस मासिक उत्पन्न योजनेमध्ये मासिक उत्पन्नाची हमी दिली जाते. उदाहरणार्थ पती-पत्नीने संयुक्त खाते उघडले आणि १५ लाख रुपये जमा केले, तर यावर ७.४% दराने वार्षिक एक लाख ११ हजार रुपये व्याज दिले जाईल. तसेच जर तुम्ही १२ महिन्यांत ते विभाजित केले तर तुम्हाला दरमहा ९२५० रुपये हमी उत्पन्न मिळेल. पोस्ट ऑफिसच्या नियमांनुसार MIS मध्ये दोन किंवा तीन लोक संयुक्त खाते देखील उघडू शकतात. खात्यात मिळणारे उत्पन्न प्रत्येक सदस्याला समान दिले जाते.
City Varta:-
