शनिवार दिनांक 6 जानेवारी रोजी जवळा तालुका सांगोला येथे माननीय आमदार दीपक आबा साळुंखे पाटील यांच्या वाढदिवसानिमित्त श्री नारायणदेव मंदिर येथे महिलांसाठी भव्य होम मिनिस्टर स्पर्धा आयोजित करण्यात आलेली आहे. ही स्पर्धा यशजीवन हॉस्पिटल व बचत गट तसेच 2024 स्वस्ती नेचूरा प्रॉडक्ट यांच्या वतीने केलेले आहे. या स्पर्धेचे उद्घाटन हे रेखाताई शहाजीबापू पाटील यांच्या हस्ते होणार आहे.
पैठणीचा खेळ अलीकडच्या काळामध्ये खूपच अनेक भागात रंगलेला आपण पाहतोच आहोत. जवळा तालुका सांगोला परिसरातील महिलांसाठी देखील होम मिनिस्टर स्पर्धेचे आयोजन केलेले आहे.
यामध्ये प्रथम बक्षीस पैठणी व सोन्याची नथ, द्वितीय क्रमांक पैठणी व चांदीचा करंडा, त्रितीय विजेत्यास पैठणी व चांदीचा छल्ला तसेच उत्तेजनार्थ पैठणी व चांदीची जोडवी तसेच लकी ड्रॉ पद्धतीने दहा भरघोस बक्षीस देखील दिली जाणार आहेत. त्यामुळे या होम मिनिस्टर कार्यक्रमास महिलांनी जास्तीत जास्त सहभाग घेण्याचे आवाहन केले गेलेले आहे.
