वस्त्रनगरी म्हणून ओळखल्या जाणाऱ्या इचलकरंजी मध्ये अनेक विविध उपक्रमांचे आयोजन केले जाते आणि या उपक्रमांमध्ये नागरिकांचा सहभाग देखील खूपच मोठ्या प्रमाणात आपणाला पाहायला मिळतो. संजयदादा कांबळे यांच्या ५१ व्या वाढदिवसानिमित्त इचलकरंजी येथे भव्य राज्यस्तरीय कॅरम स्पर्धेचा उद्घाटन समारंभ ना. बा. घोरपडे नाट्यगृह येथे मदनराव कारंडे, शशांक बावचकर, विश्वनाथ मुसळे, राहुल खंजीरे, राजवर्धन नाईक, राजू आलासे, राजू कबाडे, युवराज शिंगाडे, दीपक पाटील, मनोहर मुसळे, शिरीष कांबळे ,राजेंद्र बिद्रे, कुमार कबाडे,सुनील फाटक,प्रमोद मुसळे , भाऊसो साखरे ,मुसळे, प्रशांत सपाटे श्रीनिवास सातपुते ,अनिल कांबळे,युवराज शिंगाडे, संभाजी सुर्यवंशी इ इत्यादी मान्यवरांच्या उपस्थितीत सुरुवात झाली.
वाढदिवसाचे औचीत्य साधून खेळाला प्राधान्य देण्यासाठी विविध स्पर्धेचा आयोजन केल्याबद्दल संजय कांबळे युवा मंच व चौंडेश्वरी युवा फाउंडेशन याचे कौतुक करण्यात आले व संजय कांबळे यांनी आज पर्यंत केलेल्या समाजकार्याचा आढावा घेऊन कौतुक करून वाढदिवसाच्या शुभेच्छा दिल्या.यावेळी मदनराव कारंडे ,राहुल खंजिरे ,विश्वनाथ मुसळे,म्हाळसाकांत कवडे यांनी मनोगत व्यक्त केले सदर स्पर्धा हसन स्पोर्ट्स ,अंश कॅरम अकॅडमी आरके ग्रुप यांच्या सहकार्याने घेण्यात आलेल्या आहेत.
दिनांक २,३,४ फेब्रुवारी या स्पर्धा होणार असून या स्पर्धेकरिता नागपूर, जळगाव, मुंबई, पुणे, सातारा , कराड, रत्नागिरी, कोल्हापूर, सांगली , मिरज, गोवा आणि हैद्राबाद येथील नामवंत तसेच राष्ट्रीय स्तरावरील खेळाडूंनी सहभाग नोंदविला आहे. सदर स्पर्धेसाठी संपूर्ण महाराष्ट्रातून १९२ स्पर्धकांनी नांवे नोंदणी केली आहेत .
