शहरातील रस्त्यांसाठी तब्बल २५ कोटी रुपयांचा निधी आणल्याचा दावा करत शहरभर डिजिटल फलक लावून जिल्ह्याच्या राजकारणात येण्याचे संकेत खासदार धनंजय महाडिक (Dhananjay Mahadik) यांचे पुत्र कृष्णराज महाडिक (Krishnaraj Mahadik) यांनी दिले आहेत.२५ तारीख, २५ कोटी आणि २५ वा वाढदिवस अशी ‘थीम’ घेऊन लागलेल्या या फलकांची शहरात चर्चा आहे.दरम्यान, या फलकबाजीवरून कृष्णराज हे विधानसभा लढवणार की अन्य कोणती निवडणूक (Assembly Elections) लढवणार याविषयी उत्सुकता आहे. कोल्हापूर उत्तर किंवा दक्षिण मतदारसंघातून ते विधानसभेच्या रिंगणात उतरण्याची शक्यता यावरून वर्तवली जात आहे.
खासदार धनंजय महाडिकांचे पुत्र कृष्णराज महाडिकांची राजकीय एन्ट्री
