कामेरी तालुका वाळवा येथील खंडागळे मळा परिसरात शॉर्टसर्किटमुळे आग लागून चार एकर ऊस ट्रॅक्टर ट्रॉली जळाली. या आगीत शेतकरी ऊस वाहतूकदाराचे लाखो रुपयांचे नुकसान झाले. दोन वर्षात या परिसरात शॉर्टसर्किट पेटल्याची ही दुसरी घटना आहे .संदीप रंगराव पाटील, त्यांचा भाऊ न्यानेश्वर यांचा खंडागळे मळा परिसरात आडसाली ऊस आहे. तेथे कृष्णा कारखान्याची ऊसतोड सुरू होती.
रविवारी दुपारी एक वाजण्याच्या सुमारास शेतातील विद्युत वाहिनीमध्ये शॉर्टसर्किट होऊन शेतातील पाल्याने पेट घेतला. आणि या आगीने रौद्ररूप धारण केले. फडात लावलेला ट्रॅक्टर ट्रॉली देखील आगीमध्ये जळाली. आगीत ऊस देखील जळून खाक झाला.
