हॉटेलमध्ये (Hotel) जेवणानंतर माऊथ फ्रेशनर (Mouth Freshener) दिलं जातं. पण, ते खरंच माऊथ फ्रेशनर आहे का हे तपासून घ्यायला हवं. हॉटेलमध्ये माऊथ फ्रेशनरमुळे पाच जणांना रक्ताच्या उलट्या झाल्याची खळबळजनक बातमी समोर आली आहे. या माऊथ फ्रेशनरमुळे पाच जणांची प्रकृती बिघडली असून दोन जण अत्यवस्थ आहेत. हरियाणाच्या गुरुग्राममध्ये धक्कादायक घटना समोर आली आहे. याघटनेमध्ये रेस्टॉरंटमध्ये लोकांना माऊथ फ्रेशनरच्या जागी ड्राय आईस दिला आणि तो खाऊन ग्राहकांच्या तोंडातून रक्त येऊ लागलं. यामुळे पाच जणांची प्रकृती बिघडली.
या पाच जणांना रुग्णालयात दाखल केलं असून त्यातील दोन जण अत्यवस्थ आहेत. या घटनेचा व्हिडीओ सध्या सोशल मीडियावर व्हायरल होत आहे. या व्हिडीओमध्ये काही लोकांच्या तोंडातून रक्त येत असल्याचं दिसत आहे. माऊथ फ्रेशनर खाल्ल्यानंतर या लोकांची तब्येत बिघडल्याचं सांगितलं जात आहे. गुरुग्रामच्या एका हॉटेलमधील धक्कादायक प्रकास समोर आला आहे. अंकित कुमार नावाच्या व्यक्तीने रेस्टॉरंटविरोधात आरोप केले असून या घटनेची माहिती पोलिसांना दिली आहे.
मीडिया रिपोर्टनुसार, गेल्या शनिवारी तीन जोडप्यांचा ग्रुप वाढदिवस साजरा करण्यासाठी रेस्टॉरंटमध्ये गेला होता. त्यांच्या जेवणानंतर, वेट्रेसने ग्रुपला माउथ फ्रेशनर ऑफर केले, परंतु त्याऐवजी त्यांना कोरड्या बर्फाचे दाणे दिले, ज्यामुळे त्यांची जीभ आणि टाळू खराब झाले, असे पोलिस आणि रेस्टॉरंटने सांगितले.
हरियाणाच्या गुडगावमधील एका रेस्टॉरंटमध्ये माऊथ फ्रेशनर म्हणून सर्व्ह केलेल्या ड्राय आईस म्हणजे कोरड्या बर्फामुळे ग्राहकांच्या तोंडातून रक्त आलं. वाढदिवस साजरा करण्यासाठी वेट्रेसने ग्राहकांना चुकून ड्राय आईस दिल्याचं सांगितलं जात आहे.
