इचलकरंजी येथील गणेशनगर भागातील शिवा चौकात नॉटींग मशीनसह चारचाकी वाहन अज्ञातांनी पेटवल्याची घटना घडली. आगीत नॉटींगमशीनसह वाहन जळून खाक झाले. दोन अग्नीशमन बंबाच्या सहाय्याने आग आटोक्यात आणली. नॉटींग व्यवसायातील आर्थिक वादातून ही घटना घडल्याची चर्चा घटनास्थळी सुरू होती. याबाबत अधिक माहिती अशी की, वाहन मालकाने नियमितपणे सांयकाळी ७ वाजता नॉटींग मशीनसह वाहन शिवा चौकात पार्किंग केली होती. यावेळी अज्ञात तिघांनी येवून वाहनावर ज्वलनशील पदार्थ टाकून पेटवून देण्याचा प्रयत्न केला.
यात आगीचा मोठा भडका उडाला. वाहनातील नॉटींग मशीनसह वाहन जळू खाक झाले. या घटनेनंतर वाहनाचा केवळ सांगाडा शिल्लक राहिला होता. दरम्यान आगीची माहिती घटनास्थळी मिळताच महानगरपालिकेचे अग्नीशमन बंब दाखल झाले. पाण्याचा मारा करून आग आटोक्यात आणली. घटनास्थळी शहापूर पोलीस ही दाखल झाले. वाहन मालकाचा नॉटींगचा व्यवसाय आहे. त्यातून त्याची गाडी पेटवल्याची माहिती समोर आली आहे. या घटनेत लाखो रूपयाचे नुकसान झाले आहे. या घटनेची रात्री उशिरा पर्यंत शहापूर पोलीसात नोंद झाली नव्हती.
