विटा नगरपरिषदेच्या ‘स्वच्छ सर्वेक्षण व माझी वसुंधरा अंतर्गत स्वच्छ व सुंदर शाळा आणि महाविद्यालय स्पर्धेचे आयोजन केले होते. या स्पर्धेत बळवंत महाविद्यालयाने प्रथम पुरस्कार संपादन केला. विटा नगरपरिषदेच्या वतीने स्वच्छ सर्व्हेक्षण व माझी वसुंधरा अंतर्गत घेण्यात आलेल्या स्वच्छ व सुंदर महाविद्यालय स्पर्धेत येथील बळवंत महाविद्यालयाने प्रथम क्रमांक पुरस्कार मिळविला.
प्राचार्य डॉ. विठ्ठल शिवणकर, उपप्राचार्य विष्ण मस्के यांनी हा पुरस्कार स्वीकारला. प्रांताधिकारी तथा प्रशासक डॉ. बांदल, मुख्याधिकारी विक्रमसिंह पाटील व पोलिस निरीक्षक शरद मेमाणे यांनी हा पुरस्कार प्रदान केला. सन्मानचिन्ह, तुळशीचे रोप व हरित खत असे या पुरस्काराचे स्वरूप होते.
