बॉलिवूडची हॉट अँड ब्युटीफुल अभिनेत्रीकृती सेनन ‘तेरी बातों में ऐसा उलझा जिया या सिनेमात शेवटची झळकली होती. या रोमँटिक नाट्यमय सिनेमात कृती सेननसोबत शाहिद कपूर मुख्य भूमिकेत दिसला होता. या सिनेमातील अभिनेत्रीने परफॉर्मेंसने प्रेक्षकांचं चांगलच मनोरंजन केलं आहे. कृती सेनन आपल्या वैयक्तिक आयुष्यासह व्यावसायिक आयुष्यामुळेदेखील चर्चेत असते.
कृती तिच्या अफेअरच्या बातम्यांमुळेदेखील अनेकदा चर्चेत आली आहे. कृतीचं नाव आधी ‘बाहुबली’ फेम प्रभाससोबत जोडलं जात होतं. आता तिचं नाव एका वेगळ्या व्यक्तीसोबत जोडलं जात आहे. बी-टाऊनमध्ये दोघांच्या अफेअरच्या चर्चा रंगल्या आहेत. आता कृती सेननचा रुमर्ड बॉयफ्रेंड नक्की कोण हे जाणून घेण्याची प्रेक्षकांना उत्सुकता आहे.कृती सेननचा एक फोटो सोशल मीडियावर व्हायरल होत आहे. कृतीचा हा फोटो व्हायरल झाल्यानंतर तिच्या अफेअरच्या चर्चांना सुरुवात झाली आहे. या फोटोमध्ये कृती एका मुलाचा हात पकडून लंडनच्या गल्ल्यांमध्ये फिरताना दिसून येत आहे.
कृतीचा हा फोटो व्हायरल झाल्यानंतर सोशल मीडियावर हा दुसरा-तिसरा कोणी नसून कृती सेननचा रुमर्ड बॉयफ्रेंड आहे, असं म्हटलं जात आहे. कृतीसोबत असलेल्या मुलाचं नाव ‘कबीर बहिया’ असं आहे. कबीर ब्रिटनमध्ये राहणारा आहे. कबीर हा कृतीपेक्षा 10 वर्षांनी लहान आहे. कबीरचे वडिल लंडनचे एक लोकप्रिय उद्योगपती आहेत.कृती सेननचं नाव कबीर बहियासोबत जोडलं गेलं आहे. कबीर बहिया आणि भारतीय क्रिकेट टीमचा माजी कर्णधार महेंद्र सिंह धोनीसोबत (Mahendra Singh Dhoni) कृतीचं नाव जोडलं गेलं आहे. महेंद्र सिंह धोनी आणि त्याची पत्नी साक्षी धोनीसोबतच्या अनेक फोटोंमध्ये कबीर दिसून आला आहे.
कबीर आणि साक्षीचं खास नातं आहे. अद्याप कृती सेनन किंव कबीर बहिया यांनी त्यांच्या नात्याबद्दल अधिकृत माहिती दिलेली नाही. कृती सेननचं नाव याआधी दाक्षिणात्य सुपरस्टार प्रभाससोबत जोडलं गेलं होतं. प्रभास आणि कृती सेननच्या अफेअरच्या चर्चा ‘आदिपुरुष’ (Adipurush) या सिनेमाच्या सेटवर सुरू झाल्या होत्या.
