दुष्काळ भाग म्हणून ओळखल्या जाणाऱ्या सांगोला तालुक्यातील वाढती लोकसंख्या तसेच वाढती गुन्हेगारी या सर्वांचा विचार करून सांगोला तालुक्यात महूद व हातीद अशा दोन नवीन पोलीस ठाण्यांची निर्मिती होणार असल्याची माहिती आमदार शहाजी बापू पाटील यांनी दिली. कामकाजावरचा ताण कमी करण्याच्या उद्देशाने सांगोला पोलीस स्टेशन अंतर्गत दोन नवीन पोलीस स्टेशनचे प्रस्ताव राज्य सरकारकडे पाठवण्यात आले आहेत आणि लवकरच या दोन्ही पोलीस ठाण्याला मंजुरी मिळणार असल्याचे त्यांनी सांगितले.
गेल्या वीस वर्षापासून तालुक्यात नवीन दोन पोलिसांची निर्मिती करण्याची वारंवार मागणी देखील केली जात होती. मात्र या मागणीकडे गेल्या वीस वर्षात दुर्लक्ष झाल्याने नवीन पोलीस ठाण्यांचा प्रस्ताव धूळखात पडला होता. 2019 च्या विधानसभा निवडणुकीनंतर आमदार शहाजी बापू पाटील यांनी या दोन नवीन पोलीस ठाण्यांच्या निर्मितीसाठी वारंवार पाठपुरावा केला आहे.
आमदार शहाजी बापू पाटील यांनी सातत्याने पाठपुरावा करून सांगोला पोलीस स्टेशन अंतर्गत महूद व हातीद येथे नवीन दोन पोलीस स्टेशनचे प्रस्ताव राज्य सरकारकडे पाठवण्यात आले आहेत आणि पोलीस ठाण्यावर असलेला कार्यभार कमी करणे व पोलिसांचे कामकाज अधिक प्रभावी करणे या उद्देशाने दोन नवीन पोलिसांची निर्मिती करण्यात येणार आहे आणि या दोन नवीन पोलीस ठाण्याच्या प्रस्तावाला मान्यता लवकरच मिळणार असल्याचे आमदार शहाजी बापू पाटील यांनी सांगितले.
