वाळवा शिराळा या विधानसभा मतदारसंघात गुरुवारी युवा नेते डॉ. राहुल आवाडे यांनी लोकसभा निवडणूक लढवावी की नको? आजी-माजी खासदारांच्या बद्दल मत काय आहे? आवाडे उभे राहिले तर आपण साथ देणार का? यासह अन्य प्रश्न घेऊन प्रत्येक गावात वेगवेगळ्या विभागात गुरुवारी सर्वे केला.
राहुल आवाडे कदाचित अपक्ष निवडणूक लढतील असे चित्र या दोन तालुक्यात दिसत होते. विशेषतः आजी-माजी ग्रामपंचायत सदस्य, आजी-माजी नगरसेवक आदिशी थेट संवाद साधण्याबरोबर बचत गटाच्या प्रमुख आणि सदस्यांची ही भेट घेऊन आपण आम्हाला साथ द्यावी अशी साथ घालण्यात आली.
आवाडे मैदानात उतरले की अचानक येतात आणि वादळ निर्माण करतात अशी स्थिती या सर्वेच्या माध्यमातून दिसत होती. राहुल आवाडे नेमकी निवडणूक लढवणार की नाही हे पक्के झाले नसले तरी त्यांच्यासाठी सर्वे आणि संवाद संपर्क थेट सुरू झाला आहे.
