सध्या लोकसभेच्या तयारीला प्रत्येक पक्ष कसून तयारीला लागलेला आहे. अनेक भेठीगाठी,मेळावे करताना पहावयास मिळत आहेत. हातकणंगले लोकसभा मतदारसंघातील महाविकास आघाडीचे उमेदवार सत्यजित पाटील-सरुडकर यांच्या प्रचारार्थ येथील तांबे माळमधील मराठा मंडळ सांस्कृतिक भवनमध्ये मेळावा आयोजित करण्यात आला आहे.
गुरुवारी दि. ११ एप्रिलला सायंकाळी सहा वाजता हा मेळावा होणार आहे.
या मेळाव्यात आमदार सतेज पाटील, राष्ट्रवादी काँग्रेस शरद पवार गटाचे प्रदेशाध्यक्ष आमदार जयंत पाटील, शिवसेना ठाकरे गटाचे सहसंपर्क प्रमुख संजय पवार प्रमुख मार्गदर्शन करणार आहेत. या पार्श्वभूमीवर महाविकास आघाडीच्या घटक पक्षांच्या पदाधिकाऱ्यांची कॉंग्रेस कमिटीत बैठक झाली.
यावेळी मदन कारंडे, शशांक बावचकर, प्रताप होगाडे, महादेव गौड, सयाजी चव्हाण, प्रकाश मोरबाळे, संजय तेलनाडे, शिवाजी साळुंखे, सदा मलाबादे यांनी मनोगत व्यक्त केले. सत्यजित पाटील हे एक निष्ठावंत कार्यकर्ते आहेत. त्यांना समाजातील प्रश्‍नांची जाण आहे. आजी-माजी खासदारांची निष्क्रियता जनतेपर्यंत पोहोचवण्याची गरज आहे. त्यासाठी प्रचाराचा पहिला मेळावा घेऊन सत्यजित पाटील यांनाच विजयी करण्याचा निर्धार यावेळी व्यक्त करण्यात आला.
