आजी-माजी आमदार, खासदार आणि माजी जिल्हा परिषद अध्यक्ष अशा दिग्गज प्रमुख चौघांतील लढतीमुळे हातकणंगले लोकसभा मतदार संघात कमालीची उत्कंठा आणि चुरस निर्माण झाली आहे. हातकणंगले लोकसभा मतदार संघाचे महाविकास आघाडी पुरस्कृत शिवसेना- उद्धव बाळासाहेब ठाकरे पक्षाचे उमेदवार सत्यजित पाटील- सरुडकर (आबा) यांच्या प्रचारार्थ भादोले जिल्हापरिषद मतदार संघातील अंबप, वाठार, गावातील प्रमुख मार्गावरून प्रचार फेरी काढण्यात आली.
प्रचार रैलीला नागरिकांचा उत्स्फुर्त प्रतिसाद मिळाला. हातकणंगले लोकसभा मतदारसंघातील महाविकास आघाडीचे उमेदवार सत्यजित पाटील-सरुडकर यांनी आज दिवसभर समाजातील विविध घटकांशी संवाद साधला. यावेळी हातकणंगले विधानसभेचे आमदार राजुबाबा आवळे, मा.आमदार डॉ. सुजित मिणचेकर, मा.आमदार राजीव किसन आवळे , शिवसेना जिल्हाप्रमुख संजय चौगुले या प्रमुख नेते उपस्थित होते.
भादोले जिल्हा परिषद मतदारसंघातील सर्व गावातील शिवसेना-उद्धव बाळासाहेब ठाकरे, काँग्रेस व राष्ट्रवादी काँग्रेस-शरदचंद्र पवार या तिन्ही पक्षाचे , अंबप , पाडळी, टोप , कासारवाडी , अंबपवाडी , मनपाडळे , मौजे तासगाव , संभापूर , भादोले , वाठार या गावाचे प्रमुख पदाधिकारी व कार्यकर्ते मोठ्या संख्येने उपस्थित होते.
