वाळवा येथे श्री १००८ भगवान आदिनाथ तीर्थंकर व मानस्तंभ स्थित चतर्मुख जिनबिंब पंचकल्याण प्रतिष्ठा महामहोत्सव व विश्वशांती महायाग महोत्सव २०२४ पंचकल्याणक प्रतिष्ठा महामहोत्सवात बुधवारी ७५ मुलांचे मौंजीबंधन झाले. सकाळी ७:३० नंतर ८ वर्षे पुढील मुलांचे उपनयन मौजीबंधन झाले. यथावकाश पूजासहित मौंजीबंधन करण्यात आले. बुधवार पंचकल्याणक पूजेसाठी महत्त्वाचा दिवस. दीक्षाकल्याणक दिवस आहे.
पहाटे पाच वाजता मंगलवाद्य घोषसह नित्य विधी झाला. वाळवा येथे पंचकल्याण प्रतिष्ठा महामहोत्सव सुरू असून त्यास परिसरातील गावातील नागरिकांचाही प्रतिसाद आहे. मौजीबंधनास पालकांचीही गर्दी होती. पूजेला महाराष्ट्र, गोवा, कर्नाटकमधून मोठी गर्दी झाली होती. इंद्र इंद्रायणी वसंत देवाप्पा वाजे व कांचन वाजे यांनी स्वागत केले. पंचकल्याणक प्रतिष्ठा महामहोत्सव समिती, वीर सेवा दल, वीर महिला मंडळ यांनी उत्तम संयोजन केले.
