पोस्ट कार्यालयामार्फत देण्यात येत असलेल्या अस्सल देवगड हापूसला कोल्हापुरकरांनी उत्स्फूर्त प्रतिसाद दिला. आतापर्यंत कोल्हापूर जिल्ह्यातून ४५० पेट्या आंब्याची विक्री पोस्ट कार्यालयाने केली आहे.कोल्हापुरात पोस्टामार्फत ही योजना सुरु झाली आहे.
सिंधुदुर्ग जिल्ह्यातील देवगड, देवबाग, मालवण या परिसरातील हा आंबा दर्जेदार मानला जातो. नैसर्गिक पद्धतीने पिकविलेला जीआय मानांकन प्राप्त अस्सल देवगडचा हा आंबा थेट बागायतदारांकडून घेउन तो ग्राहकांना देण्यात येतो आहे.
येत्या दोन दिवसांत अक्षय तृतियेसाठी बुकिंग सुरु होणार असून याचा नवा दरही लवकरच जाहीर करण्यात येणार आहे. या आंब्याची बाजारात १३०० रुपये डझन असा दर आहे.येत्या दोन दिवसात पुन्हा अक्षय तृतियेसाठी आणखी कमी दराने बुकिंग घेण्यात येणार आहे. सध्या कोल्हापूर, गडहिंग्लज, जयसिंगपूर आणि इचलकरंजी येथील पोस्ट ऑफिसमध्ये आंब्याचे बुकिंग करण्यात येणार आहे.
