बोरगावात नदीपात्रात मृतदेह सापडला

इस्लामपूर बोरगाव (ता. वाळवा) येथील कृष्णा नदीपात्रात शुक्रवारी पुरुषाचा मृतदेह सापडला. त्या पुरुषाचे वय अंदाजे ४५ ते ५० दरम्यान आहे. ग्रामस्थांना सकाळी ब्रम्हानंद मळा परिसरात मृतदेह तरंगताना दिसला होता. पोलिस पाटील पद्मश्री गिरीगोसावी यांनी ही माहिती इस्लामपूर पोलिस ठाण्यात दिली. पोलिसांनी तो मृतदेह बाहेर काढला. मृतदेहाची उत्तरीय तपासणी करण्यात आली. घटनेची नोंद इस्लामपूर पोलिस ठाण्यात झाली आहे.