गेल्या काही दिवसांपासून वेगवेगळ्या विषयांवर आधारित असणारे चित्रपट थिएटरमध्ये रिलीज होत आहेत. अशातच किरण राव दिग्दर्शित लापता लेडीज हा चित्रपट देखील प्रेक्षकांच्या भेटीला आला.या चित्रपटाचं कथानक आणि या चित्रपटातील कलाकारांच्या अभिनयानं अनेकांची मनं जिंकली. अनेक सेलिब्रिटींनी या चित्रपटाचं कौतुक केलं. अशातच आता ओटीटीवर देखील या चित्रपटाचा जलवा बघायला मिळत आहे.
यावर किरण रावनं नुकतीच प्रतिक्रिया दिली आहे.लापता लेडीज अॅनिमलला टाकलं मागेरिपोर्ट्सनुसार, लापता लेडीज या चित्रपटाने एका महिन्यात ओटीटीवर 1 कोटी 38 लाख व्ह्यूज मिळवले आहेत. त्याचवेळी, रणबीर कपूरचा ब्लॉकबस्टर चित्रपट ॲनिमल या चित्रपटाला एकूण 1 कोटी 36 लाख व्ह्यूज मिळाले आहेत. थिएटरमध्ये बंपर कमाई केल्यानंतर, ॲनिमल नेटफ्लिक्सवर 26 जानेवारीला प्रदर्शित झाला होता.किरण राव यांची प्रतिक्रियालापता लेडीजला ओटीटीवर मिळाणाऱ्या प्रतिसादाबद्दल किरण रावनं पोस्ट शेअर केली आहे. व्ह्यूजमध्ये लापता लेडीजनं अॅनिमलला मागे टाकले आहे, असं या पोस्टमध्ये लिहिलं दिसलं.
या पोस्टला दिलेल्या कॅप्शनमध्ये किरण रावनं शॉक इमोजी शेअर केला आहे.रवी किशन,स्पर्श श्रीवास्तव, प्रतिभा रांटा आणि नितांशी गोयल यांनी लापता लेडीज या चित्रपटात काम केलं आहे. या चित्रपटातील सजनी या गाण्याला प्रेक्षकांची विशेष पसंती मिळाली.तसेच रणबीर कपूरच्या अॅनिमल या चित्रपटाला देखील प्रेक्षकांची पसंती मिळाली. या चित्रपटानं बॉक्स ऑफिसवर रेकॉर्ड ब्रेक कमाई केली. या चित्रपटाचं दिग्दर्शन संदीप रेड्डी वांगा यांनी केलं आहे.
