इयत्ता 10 वीचा निकाल सोमवारी जाहीर झाला. 10 वी पास झाल्यानंतर अनेक विद्यार्थी सरकारी नोकरीच्या शोधात असतात. दहावीचा टप्पा हा आयुष्यातील अतिशय महत्त्वाचा टप्पा असतो कारण यानंतर तुम्ही खऱ्या अर्थाने करिअरला सुरुवात करतात.आपल्या देशात सरकारी नोकरीला अधिक प्राधान्य आहे. 10 वी पास झाल्यानंतर सरकारी नोकरी कोणत्या क्षेत्रात मिळेल याविषयी आपण जाणून घेणार आहोत.
रेल्वेतील नोकरीची संधी
10वी उत्तीर्णांसाठी रेल्वेमध्ये अनेक पदांसाठी सरकारी नोकऱ्या उपलब्ध आहेत. ट्रॅकमन, गेटमन, पॉइंट्समन, हेल्पर, पोर्टर इत्यादींसह इतर अनेक पदे आहेत. यासोबतच रेल्वेमध्ये 10वी पाससाठी शिकाऊ पदांसाठी वेळोवेळी भरती जाहीर केली जाते.
पोलीस विभागातील भरती
अनेक राज्यांमध्ये पोलीस कॉन्स्टेबल पदांच्या भरतीसाठी (Career After 10th) दहावी उत्तीर्ण असणे आवश्यक आहे. त्यामुळे जर तुम्ही 10वी उत्तीर्ण असाल तर तुम्ही पोलीस खात्यातही सरकारी नोकरीसाठी पात्र ठरू शकता.
पोस्ट विभागातील नोकरी
जर तुम्ही 10वी पास असाल तर तुम्ही भारतीय पोस्ट सेवेतील भरतीमध्ये सहभागी होऊ शकता. यामध्ये पोस्टल असिस्टंट, शॉर्टनिंग असिस्टंट, मल्टी टास्किंग स्टाफ यासह (Career After 10th) अनेक पदांसाठी भरती केली जाते, ज्यामध्ये तुम्ही 10वी उत्तीर्ण झाल्यानंतर अर्ज करू शकता.
देशाच्या सशस्त्र दलातील नोकरी
10वी पास उमेदवारांसाठी देशाच्या सशस्त्र दलातही सरकारी नोकऱ्या उपलब्ध आहेत. यामध्ये तुम्ही आर्मी, इंडियन नेव्ही किंवा इंडियन एअर फोर्समधील विविध पदांच्या भरतीसाठी अर्ज करू शकता. यामध्ये सामील झाल्यानंतर तुम्हाला देशसेवेची संधी मिळते.
तटरक्षक दल भरती
भारतीय तटरक्षक ही भारताची सागरी कायद्याची अंमलबजावणी आणि शोध आणि बचाव करणारी एजन्सी आहे, जी त्याच्या आसपासच्या परिसरात सागरी कायद्याची अंमलबजावणी (Career After 10th) करते. तटरक्षक दलाच्या इतर कामांमध्ये सागरी पर्यावरणाचे रक्षण करणे, शोध आणि बचाव कार्य करणे या जबाबदाऱ्या येतात. तुम्ही 10वी नंतर भारतीय तटरक्षक दलात नाविक (जनरल ड्युटी) म्हणून रुजू होऊ शकता.
वनरक्षक भरती
आपल्या देशात अशी अनेक राज्ये आहेत जिथे वनरक्षक पदांसाठी सरकारी नोकऱ्या वेळोवेळी निर्माण होतात. अनेक राज्यांमध्ये या पदासाठी शैक्षणिक पात्रता फक्त 10वी उत्तीर्ण असते. त्यामुळे या पदावर 10वी नंतरही तुम्हाला सरकारी नोकरी मिळू शकते.
BSF मधील नोकरीची संधी
बॉर्डर सिक्युरिटी फोर्स (BSF) ही भारताची सीमा रक्षण करणारी संस्था आहे आणि भारताच्या पाच केंद्रीय सशस्त्र पोलीस दलांपैकी एक आहे. बीएसएफ विविध ट्रेड्ससाठी कॉन्स्टेबल ट्रेड्समनची भरती करते ज्यामध्ये किमान पात्रता इयत्ता 10 वी पास आहे. याबरोबर तुम्ही केंद्रीय राखीव पोलिस दलात कॉन्स्टेबल (जनरल ड्युटी) पदांसाठी देखील अर्ज करू शकता.
