इस्लामपूर महायुतीचे उमेदवार धैर्यशील माने यांनी सलग दुसऱ्यांदा विजयी होत महाविकास आघाडीचे उमेदवार सत्यजित पाटील यांचा १५ हजार मतांनी पराभव केला आहे. माजी खा.राजू शेट्टी हे तिसऱ्या क्रमांकावर गेले. खा.धैर्यशील माने यांच्या विजयानंतर इस्लामपूर व शिराळा मतदारसंघात शिवसेना जिल्ह्यप्रमुख आनंदराव पवार, भाजपाचे राहल महाडीक, सम्राट महाडीक, विक्रम पाटील, गौरव नायकवडी यांनी विजया जल्लोष केला.
भरपावसात गुलालाची उधळण करत फटाक्यांची आतषबाजी करण्यात आली. मतमोजनीच्या दिवशी सकाळी ८ वाजल्यापासून हातकणगले लोकसभा मतदारसंघात महाविकास आघाडीचे सत्यजित पाटील आणि महायुतीचे उमेदवार धैर्यशील माने दोघांमध्ये मताधिक्य कमी जास्त होत होते. परंतु अखेरच्या फेऱ्यांमध्ये धैर्यशील माने यांना १० हजारांहून अधिक मताधिक्य मिळाले. त्यानंतर महायुतीच्या पदाधिकाऱ्यांनी जल्लोष केला.
