साखराळे (ता.वाळवा) येथील राजारामबापू इन्स्टिट्यूट ऑफ टेक्नॉलॉजी या महाविद्यालयातील एम.बी.ए. विभागाच्या विद्यार्थ्यांची नामवंत बहुराष्ट्रीय कंपन्यांमध्ये नोकरीसाठी निवड झाली. अंतिम वर्षात शिकत असलेल्या विद्यार्थ्यांची निवड कॅम्पस् प्लेसमेंटमधून झाली. एम.बी.ए. विभागाच्या १२० विद्यार्थांनी मुंबई, पुणे, सातारा, कोल्हापूर, बंगळुरु, गुजरात येथील कंपन्यांमध्ये
इंटर्नशिप पूर्ण केली. एम.बी.ए. विभागामार्फत दरवर्षीप्रमाणे विद्यार्थ्यांसाठी या कॅम्पस मुलाखतीचे आयोजन केले होते.
निवड झालेल्या सर्व विद्यार्थ्यांना एम.बी.ए. विभागप्रमुख डॉ. कृष्णाजी पाटील, प्रा. माधव तिळवे, प्रा. लवेंद्र पाटील व सर्व शिक्षकांचे मार्गदर्शन मिळाले. कासेगाव शिक्षण संस्थेचे सचिव प्रा. आर. डी. सावंत, महाविद्यालयाचे संचालक डॉ. पी. व्ही. कडोले, डॉ. एस. के. पाटील, ट्रेनिंग प्लेसमेंट विभागाचे प्रमुख डॉ. अभिजित शहा यांनी निवड झालेल्या विद्यार्थ्यांचे अभिनंदन केले. यशस्वी विद्यार्थ्यांना त्यांच्या पुढील भावी वाटचालीस शुभेच्च्छा देण्यात आल्या.
