इस्लामपूर महाराष्ट्र रायफल असोसिएशनतर्फे आयोजित महाराष्ट्र एयर आणि फायर आर्म चॅम्पियनशिप स्पर्धेत इस्लामपूरच्या एस. डी. पाटील शूटिंग रेंजचा खेळाडू विश्वजित संतोष निंबालकर याने ५० मीटर फ्री पिस्टल प्रकारात २५७ गुण मिळवत ज्युनिअर गटामध्ये पहिला क्रमांक तर सतीश गंगावणे याने ५० मीटरमध्ये २४१ गुण मिळवत चतुर्थ क्रमांक पटकावला. समर्थ सावंत, तुकाराम लोहार, आरुष गोंदकर, स्वराज पाटील यांनी १० मीटर एयर पिस्टलमधे यश मिळवत पश्चिम विभागीय आणि प्री नॅशनलसाठी पात्रता सिद्ध केली. या सर्वांना प्रशिक्षक नईम नरदेकर व अभिजित अंदलकर यांचे मार्गदर्शन लाभले. अॅड. धैर्यशील पाटील, डॉ. ए. एम. जाधव, डॉ. एच. ए. नारायणकर यांनी विद्यार्थ्यांचे अभिनंदन केले.
इस्लामपूरच्या ‘एस. डी. पाटील’च्या खेळाडूंचे यश….
