सोलापूर जिल्ह्यातील बार्शी तालुक्यातील घारी शिवारात एका फटाके कारखान्यात स्फोट झाला. ही घटना आज शुक्रवारी सकाळी दहा वाजण्याच्या सुमारास घडली. सुदैवाने आज वटपौर्णिमेचा सण असल्यामुळे व कारखान्यात कोणीही उपस्थित नव्हते.त्यामुळे सुदैवाने जीवित हानी टळली.
घटनास्थळी पांगरी पोलीस दाखल झाले असून आगीवर नियंत्रण मिळवण्याचे काम सुरू आहे.दीड वर्षांपूर्वीच पांगरी पोलीस ठाण्याच्या हद्दीतील पांगरी शिवारात एका फटाके कारखान्यात स्फोट होऊन त्यामध्ये पाच महिला ठार झाल्याची घटना घडली होती. असे असतानाच पुन्हा घारी येथे फटाके कारखान्यात स्फोट झाल्यामुळे सोलापूर जिल्हात खळबळ उडाली आहे.
