पलूस इथल्या अंगणवाडीमध्ये गर्भवती माता आणि लहान मुलांना दिल्या जाणाऱ्या पोषण आहारात मृत साप सापडल्याने या घटनेने परिसरात एकच खळबळ उडाली आहे. राज्य शासनाच्या वतीने बालविकास योजनअंतर्गंत गर्भवती माता आणि बालकांना पोषण आहार पुरवला जातो. मात्र या घटनेनंतर पिशवीत मृत सापाचे पिल्लू कसे आले याची सखोल चौकशी करा अशी मागणी नागरिक करताना दिसतात. माजी सैनिक सुभाष निवृत्ती जाधव यांनी त्यांचा नातू शिरीष याच्यासाठी बालवाडीतून पोषण आहाराचे पाकिट कृषीनगर इथल्या अंगणावाडी क्रमांक ११६ मधून घरी आणले,
पण घरी येताच पाकिट फोडले असता त्यामध्ये मृत सापाचे पिल्ल आढळल्याने एकच खळबळ उडाली. यानंतर सुभाष यांनी तात्काळ अंगणवाडीला घटनेबद्दल माहिती कळवली. यानंतर आरोग्यसेविकांनी हा प्रकार गांभीर्याने घेत यांची माहिती वरिष्ठ पातळीवर कळवली आहे. पोषण आहाराचे ठेकदार शासनाकडून नेमले जातात. आता सदर जिल्ह्यात आणि अंगणवाडीत सेवा पुरवणारा ठेकेदार कोण यांचा तपास घेवून प्रकरणाचा छडा लावा अशी मागणी नागरिक करतायत.
