अलीकडच्या काळात गुन्हेगारी क्षेत्रात खूपच वाढ झालेली आहे. सरेआम जुगार अड्डे सुरु असलेले पहायला मिळत आहेत. हातकणंगले तालुक्यातील आळते येथील तीर्थक्षेत्र रामलिंग येथे श्रावण सोमवारनिमित्त भाविकांची गर्दी असताना याच ठिकाणी पटाचा टायगर सट्टा बाजार खुलेआम सुरू होता. नागरिकांनी याला विरोध केल्यानंतर पोलिसांनी त्यांचा डाव उध्वस्त करण्याचा बनाव करुन यातून आर्थिक उलाढाल केली.
पोलीस पैसे घेत असतानाचा व्हिडिओ सोशल मीडियावर व्हायरल झाल्याने एकच खळबळ उडाली आहे. तर पोलिसांनी त्यांच्यावर गुन्हे दाखल केल्याची चर्चा रामलिंग येथे सुरू होती या पटाचा डाव लावणाऱ्यांवर हातकणंगले पोलिसात गुन्हे दाखल झाल्याचेही समजते.
