खानापूर तालुक्यातील बलवडी येथे भवानी देवीची यात्रा

खानापूर घाटमाथ्यावरील लाखो भाविकांचे श्रद्धास्थान असलेल्या जय भवानी देवी यात्रेचे मंगळवारी बलवडी (खा) येथे आयोजन
केले आहे. मंगळवारी पहाटे चार ते पाच महापूजा, सकाळी सात ते दहा नैवेद्याचा कार्यक्रम होणार आहे. यात्रेनिमित्त दिवंगत प्रा. शंकरराव देवकर यांच्या स्मरणार्थ देवकर परिवाराच्या वतीने महाप्रसादाचे आयोजन केले आहे.

या यात्रेनिमित्त मंगळवारी पुरुषांच्या तर बुधवारी महिलांच्या कुस्ती मैदानाचे आयोजन केले आहे. गुरुवारी बैलगाडा शर्यती होणार आहेत. या यात्रेस परिसरातील भक्तांनी उपस्थित रहावे, असे आवाहन यात्रा कमिटी व बलवडी (खा) ग्रामस्थ यांनी केले आहे.