खानापूर घाटमाथ्यावरील लाखो भाविकांचे श्रद्धास्थान असलेल्या जय भवानी देवी यात्रेनिमित्त बलवडी येथे आयोजित केलेली कुस्ती मैदाने पावसामुळे रद्द केली आहेत. भवानी यात्रेनिमित्त मंगळवारी पुरुषांच्या व बुधवारी महिलांच्या कुस्ती मैदानांचे आयोजन केले होते. अनेक वर्षांची परंपरा असलेल्या या मैदानात देशातील नामवंत मल्ल सहभाग नोंदवतात. यावर्षीही नामवंत मल्लांच्या कुस्त्या ठरवल्या होत्या. मात्र बलवडी (खा) परिसरात गेल्या काही दिवसांपासून संततधार पाऊस पडत असल्यामुळे मैदानात पाणी साचून चिखल झाला आहे. त्यामुळे जय भवानी कुस्ती कमिटी व बलवडी (खा) ग्रामस्थ यांनी सर्व संमतीने मंगळवारी व बुधवारी होणारी कुस्ती मैदाने रद्द केली आहेत. या मैदानाच्या नवीन तारखा लवकरच जाहीर करण्यात येतील असे कुस्ती कमिटीच्यावतीने जाहीर केले आहे.
खानापूर बलवडीची कुस्ती मैदाने पावसामुळे रद्द….
