सध्या सगळीकडेच दहीहंडीचा थरार पाहायला मिळत आहे. अनेक ग्रुप्स आपल्या नावावरती दहीहंडी फोडण्याचा मान कोरत आहेत. अशातच उद्या पेठवडगाव नगरपालिका चौकात दलितमित्र डॉ अशोकराव माने बापूप्रेमी पुरस्कृत महायुतीच्यावतीने विजय संकल्प दहीहंडी मंगळवारी ३ रोजी सायंकाळी पाच वाजता आयोजित केली असल्याची माहिती भाजपाचे हातकणंगले तालुकाध्यक्ष अमरसिंह पाटील यांनी पत्रकार परिषदेत दिली.
कार्यक्रमास जनसुराज्य शक्ती पक्षाचे अध्यक्ष आमदार डॉ. विनय कोरे, आमदार प्रकाश आवाडे, खासदार धैर्यशील माने, धनंजय महाडिक, माजी आमदार महादेवराव महाडिक, सुरेश हाळवणकर, अमल महाडीक, दलितमित्र अशोकराव माने, राहुल आवाडे, जनसुराज्य प्रदेशाध्यक्ष समित कदम, जिल्हा बँकेचे संचालक विजयसिंह माने आदी उपस्थित राहणार आहेत.
यावेळी वडगाव शहरातील तालीम मंडळांच्या जुन्या काळातील गोविंदांचा सत्कार करण्यात येणार आहे. पत्रकार परिषदेस शिवसेना शिंदे गट शहराध्यक्ष अक्षय मदने, राष्ट्रवादीचे हर्षवर्धन चव्हाण, भाजपा शहराध्यक्ष जगन्नाथ माने, अरुण पाटील, वैभव हिरवे आदी उपस्थित होते.
