गणेश उत्सवाला केवळ काहीच दिवस बाकी असून, गणेश मंडळांकडून तयारीला सुरुवात झाली आहे. या मंडळांना वीजपुरवठ्याचे कनेक्शन सोयीस्कर व्हावे, यासाठी महावितरणने उपकेंद्रामध्ये ही सुविधा केली आहे.गणेश मंडळांना घरगुती दरात हे वीज कनेक्शन मिळणार आहे. मंडळांना रीतसर अर्ज करून वीज जोडणी करता येणार आहे. सर्वत्र गणेश उत्सवाच्या तयारीला सुरुवात झाली आहे.
अनेक गणेश मंडळांकडून सभामंडप, देखावे व आरास तयार करण्याला सुरुवात केली आहे.महावितरणकडून गणेश मंडळांना वीजपुरवठा कनेक्शन देण्यासाठी सुविधा महावितरणने सुरू केली आहे. घरगुती दरात वीज कनेक्शन महावितरणकडून घरगुती, व्यावसायिक तसेच औद्योगिक दरात वीज जोडणी दिली जात असते.गणेशोत्सवाशिवाय नवरात्र उत्सवातही मंडळांना वीजपुरवठा महावितरणकडून केला जातो.
गणेश मंडळांना वीजपुरवठा जोडणीसाठी अर्ज करावा लागणार आहे. ऑनलाइन, जुनी गिरणी आवारातील ग्राहक सुविधा केंद्र आणि सबडिव्हिजन कार्यालयातही जोडणीसाठी अर्ज करता येईल.पोलिस आयुक्तालयात झालेल्या शांतता कमिटीतदेखील मंडळांना आवाहन केले आहे. आवश्यक कागदपत्र व एनओसी जोडल्यास त्वरित कनेक्शनची परवानगी दिली जाणार आहे.
