दुधगाव येथे एक कोटी 35 लाख तर सावळवाडी येथे तीन कोटी 94 लाख 98 हजार व माळवाडी येथे 18 लाख रुपये निधीतून विविध विकास कामांचा उद्घाटन समारंभ पार पडला. या उद्घाटन प्रसंगी भाजपाचे जिल्हाध्यक्ष निशिकांत भोसले पाटील यांनी आपले मत व्यक्त केले. गेल्या 35 वर्षात इस्लामपूर विधानसभा मतदारसंघात जनतेचा विकास कमी पण त्यांच्यावर अन्यायाच जास्त झाला. हा अन्याय व हुकूमशाही यापुढे मी व माझा स्वाभिमानी मतदार सहन करणार नाही.
येणारी विधानसभा निवडणूक तुमच्या माझ्या स्वाभिमानाची आहे या निवडणुकीत परिवर्तनाच्या बाजूने ठामपणे उभे रहा असे आवाहन भाजपाचे जिल्हाध्यक्ष निशिकांत भोसले पाटील यांनी केले.
