खानापूर विधानसभा मतदारसंघाचा राष्ट्रवादी शरदचंद्र पवार पक्षाचे उमेदवारी बाबतचा वाद मिटण्यासाठी रविवारी थेट मुंबई बैठक झाली. ही बैठक राष्ट्रवादीचे सर्वेसर्वा शरद पवार, प्रदेशाध्यक्ष जयंत पाटील, माजी आमदार राजेंद्रअण्णा देशमुख, माजी आमदार सदाशिवरावभाऊ पाटील यांच्यामध्ये झाली. मात्र राजेंद्र अण्णांनी आटपाडीवर गेली तीस वर्षे उमेदवारी बाबत सातत्याने अन्याय होत आहे यावेळी मी कोणत्याही परिस्थितीत लढणारच अशी ठाम भूमिका मांडली. त्याचवेळी माजी आमदार सदाशिवराव भाऊ पाटील यांनी आम्हाला उमेदवारी मिळाली पाहिजे असा पवित्रा घेतला. त्यामुळे या बैठकीत अधिकृत उमेदवारी संदर्भातला निर्णय होऊ शकला नाही.
