आगामी विधानसभा निवडणुकीचे बिगुल वाजले आहे. प्रत्येक मतदारसंघांमध्ये उमेदवार आपले अर्ज दाखल करीत आहेत. तसेच निवडणुकीची तयारी देखील दर्शवत आहेत. इचलकरंजी विधानसभा मतदारसंघातून उमेदवार डॉ. राहुल आवाडे आणि हातकणंगले मतदारसंघातील उमेदवार अशोकराव माने यांच्या विजयासाठी रेंदाळ, हातकणंगले येथील धनगर समाजाचे तालुका अध्यक्ष आणि सामाजिक कार्यकर्ते कृष्णात पुजारी यांनी आपल्या सहकाऱ्यांसह श्रीक्षेत्र चिंचणी मायाक्का देवीला दंडवत करून आशीर्वाद घेत साकडे घातले.
कृष्णात पुजारी भाऊ म्हणाले, दंडवत म्हणजे श्रद्धा आणि एकतेचे प्रतीक आहे. उमेदवार डॉ. राहुल आवाडे आणि अशोकराव माने यांच्या विजयासाठी समाजातील सर्व घटकांनी पाठिंबा द्यावा अशी अपेक्षा त्यांनी व्यक्त केली. या निवडणुकीतील विजयासाठी देवाच्या आशीर्वादाची मागणी करण्यात आली आहे. प्रत्येक कार्यकर्त्यांनी देवाच्या चरणी मनोभावे प्रार्थना केली आणि समाजाच्या कल्याणासाठी एकत्रितपणे काम करण्याचे वचन दिलं. उपस्थित महिलांनी हे या यात्रेत विशेष सहभाग घेतला आणि एकात्मतेचे दर्शन घडवले. या उपक्रमाच्या माध्यमातून समाजातील सर्व घटकांना एकत्र आणून आगामी निवडणुकीत विजय मिळवण्याचा संकल्प करण्यात आला.
