हातकणंगले विधानसभा मतदारसंघातून माहाविकास आघाडीकडून काँग्रेस पक्षाचे उमेदवार विद्यमान आमदार राजू जयवंतराव आवळे यांचा उमेदवारी अर्ज जोरदार शक्ती प्रदर्शन करीत दाखल करण्यात आला.
हजारो कार्यकर्त्यांनी रॅलीत सहभागी होत राजकीय क्षेत्राचे लक्ष वेधले. विशेष म्हणजे तालुक्यातील युवकांनी हातात झेंडे घेवून गळ्यात स्कार्फ घालून राजू आवळे यांचे चित्र असलेला टी शर्ट परिधान करून एकच जल्लोष करीत आवळे यांच्या समर्थनार्थ पाठबळ उभे केल्याचे ठळक चित्र शक्ती प्रदर्शनातून दिसून आले.
सकाळी रॅलीची सुरवात छत्रपती शिवाजी महाराज चौक येथून झाली. आमदार राजूबाबा आवळे यांच्या हस्ते छत्रपती शिवाजी महाराज यांच्या पुतळ्यास व सरसेनापती धनाजीराव जाधव याच्या पुतळ्यास पुष्पहार अर्पण करून अभिवादन करण्यात आले. यावेळी विद्याताई पोळ, सुनिल हुक्केरी, रणजित यादव उपस्थित होते.
त्यानंतर डॉ. बाबासाहेब आंबेडकर चौक येथे रॅलीचे आगमन झाले. यावेळी डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन करण्यात आले. बळवंतराव यादव तसेच विजयसिंह यादव यांच्या पुतळ्यासही पुष्पहार अर्पण करून अभिवादन करण्यात आल्यानंतर रॅली हातकणंगलेकडे रवाना झाली. दुचाकी, चारचाकी गाड्यांच्या ताफ्याने वडगांव ते हातकणंगले रस्ता गर्दीने भरून वाहत होता.
यावेळी खासदार छत्रपती शाहू महाराज, आमदार सतेज पाटील, माजी मंत्री जयवंतराव आवळे, माजी आमदार राजीव आवळे, वडगावच्या यादव आघाडीच्या नेत्या माजी नगराध्यक्षा विद्याताई पोळ, शशिकांत खवरे, शिवसेना जिल्हाप्रमुख संजय चौगुले आदि प्रमुख उपस्थित होते.
राजूबाबा तसेच महविकास आघाडीच्या विजयाच्या घोषणांनी परिसर दुमदुमून गेला. धनगरी ढोल, कैताळ, हलगी या वाद्यांच्या गजरात कार्यकर्ते एकसुरात जल्लोष करीत होते. मिणचे, सावर्डे, आळते …पान २ वर
