लायन्स क्लब इचलकरंजी येथे भारतीय जनता पार्टीचे उमेदवार डॉ. राहुल आवाडे यांना विधानसभा निवडणुकीत विजयी करा, असे आवाहन करण्यासाठी राजस्थानचे मुख्यमंत्री भजनलाल शर्मा गुरुवारी आले होते. यावेळी त्यांनी मारवाडी समाजाची एकजूट, व्यवसायातील गमक, देशाची प्रगती, पंतप्रधान नरेंद्र मोदी यांची भूमिका, छत्रपती शिवाजी महाराज, राजर्षी छत्रपती शाहू महाराज व अन्य राष्ट्रपुरुषांनी या राष्ट्रासाठी दिलेले योगदान यावर व्यापारी संवाद मेळाव्यात भाषण केले.
लाडकी बहिण योजना महायुती सरकारने राबविली, अन्य योजनांचा फायदाही सामान्यातील सामान्य नागरिकांना झाला आहे. सुरेश हाळवणकर आणि मी एकत्रित काम करुन विधानसभा मतदार संघात अधिकची विकास कामे करणार आहोत. आपण सर्वांनी डॉ. राहुल आवाडे यांना विधानसभा निवडणुकीत विजयी करावे, असे आवाहन आम. प्रकाश आवाडे यांनी केले.
