खानापूर विधानसभा मतदारसंघातील आटपाडीसह विसापूर, खानापूर तालुक्यातील जनतेला कुटुंब मानून अनिलभाऊंनी काम केले. स्वतःपेक्षा इतरांसाठी झटत त्यांनी शेतकऱ्यांच्या आयुष्यात आनंद निर्माण केलेला आहे. टेंभूच्या माध्यमातून पाण्याचा गंभीर प्रश्न त्यांनी सोडविला. सहावा टप्पा झाल्याने प्रत्येक गावात अनिल भाऊंच्या माध्यमातून विकास कामे झालेली आहे. विकासाची ही गती कायम ठेवून मी स्वतः अध्यक्ष तानाजीराव पाटील यांच्या सोबतीने काम करेन अशी ग्वाही सुहास भैया बाबर यांनी दिली.
आटपाडी तालुक्यातील कार्यकर्त्यांशी संवाद साधत असताना ते बोलत होते. तानाजी पाटील म्हणाले की, सुहास भैयांनी अनिल भाऊंच्या कार्याचे शिवधनुष्य उचलल्याने त्यांना लागेल ती मदत करू जनतेला केंद्रबिंदू मानून आपण संपूर्ण मतदारसंघाला विकासात आघाडीवर ठेवण्यासाठी कटीबद्ध आहोत.
