आगामी विधानसभा निवडणुकीच्या पार्श्वभूमीवर प्रत्येक मतदारसंघांमध्ये प्रचार सभांना ओघ आलेला आहे. अशातच विधानसभा निवडणुकीच्या प्रचारार्थ आटपाडी शहरात सुहास भैया बाबर यांच्या प्रचारार्थ प्रचार बैठक पार पडली. स्व.अनिल भाऊंनी सर्वसामान्याना केंद्रबिंदू मानून काम केलेले आहे. त्यांच्याच माध्यमातून पायाभूत सुविधांसह उपजिल्हा रुग्णालय, गदिमा नाट्यगृह, मुख्य पेठेतील रस्ता, पाण्याची योजना, मुख्य रस्त्यांसह कोट्यवधींची कामे झालेली आहेत. विकासाची हीच गती कायम ठेवण्यासाठी मी काम करेन अशी ग्वाही शिवसेना महायुतीचे उमेदवार सुहास भैया बाबर यांनी दिली आहे.
आटपाडी नगरपंचायत स्थापनेसह शहराच्या सर्वांगिण विकासाचा पाया हा स्व. अनिलभाऊ बाबर यांनी रचलेला आहे. त्यांनी कोट्यवधींची कामे शहरात केलेली असून आटपाडीकर जनतेची अशीच कायमस्वरूपी सेवा करण्यासाठी मी वचनबद्ध आहे आटपाडी शहराच्या सर्वांगीण विकासासाठी नागरिकांनी आशीर्वाद द्यावेत असे आवाहन त्यांनी यावेळी बैठकीत केलेले आहे.
