आगामी विधानसभा निवडणुकीच्या पार्श्वभूमीवर प्रत्येक मतदारसंघांमध्ये प्रचार सभेचा ओघ लागलेला पाहायला मिळत आहे. अशातच कवठेपिरान येथे आमदार जयंत पाटील यांची जाहीर सभा झाली. यावेळी ही केवळ विधानसभेची निवडणूक नसून विचारांची लढाई आहे हे राज्य आपण कुणाच्या हातात देणार याचा निर्णय आपल्यालाच घ्यायचा आहे. बहुजन समाजाचे हित आणि महाराष्ट्र धर्म जगण्यासाठी महाविकास आघाडीस ताकद द्या असे आवाहन राष्ट्रवादी काँग्रेस शरदचंद्र पक्षाचे प्रदेशाध्यक्ष इस्लामपूर विधानसभा मतदारसंघातील महाविकास आघाडीचे उमेदवार आमदार जयंतराव पाटील यांनी कवठेपिरान येथील जाहीर सभेत बोलताना केले.
