विधानसभा निवडणुकीतील जाहीर प्रचाराची सांगता करण्यात आली. महाविकास आघाडीचे उमेदवार मदन कारंडे यांच्या प्रचारासाठी आयोजित परिवर्तन पदयात्रेला नागरिकांचा अभुतपूर्व प्रतिसाद लाभला. या पदयात्रेत उपस्थित नागरिकांनी एकजुटीचा संदेश देत कारंडे यांच्या नेतृत्वाखाली सकारात्मक बदल घडविण्याचा विश्वास व्यक्त केला.पदयात्रेची सुरुवात छत्रपती शाहू महाराज यांच्या पुतळ्याला हार घालून करण्यात आली.
यात्रेमध्ये अनेकांच्या हातात फलक होते. त्यामध्ये एक मराठा लाख मराठा , पाणी नाही गावाला… मतदान नाही आवाडेंना, रस्त्यात खड्डा खड्ड्यात रस्ता… चांगला रस्ता देणारा आमदार पाहिजे , होय आमचं ठरलंय… यंदा परिवर्तन होणार….तुतारी वाजणार….घराणेशाही मोडून काढणार , या फलकांवरील मजकूर पाहण्याकडे नागरिकांनी लक्ष वेधून घेतले. मतदारसंघाच्या सर्वांगीण विकासासाठी एक मजबूत आणि सशक्त योजना तयार असल्याचे कारंडे यांनी यावेळी अधोरेखित केले.
परिवर्तन पदयात्रेच्या माध्यमातून कारंडे यांनी विकासाच्या दिशेने ठोस पावले उचलण्याचा निर्धार व्यक्त केला. या पदयात्रेने महाविकास आघाडीचा जनाधार वाढवण्यात यश मिळवले असून, मतदारसंघात परिवर्तनाचा संदेश प्रबळपणे रुजवला गेला असल्याचे कारंडे म्हणाले. विकासाभिमुख आणि प्रगतीशील इचलकरंजीचा नवा आध्यय लिहिला जाईल, असा विश्वास नागरिकांमध्ये या पदयात्रेत निर्माण झाला. श्रीमंत नारायण घोरपडे चौकात प्रचाराची सांगता करण्यात आली.
यावेळी शशांक बावचकर, सागर चाळके, सुहास जांभळे, राहुल खंजीरे, प्रकाश मोरबळे, संजय कांबळे, सयाजी चव्हाण, माजी उपनगराध्यक्ष रणजीत जाधव, अभिजीत रवंदे, ऋषिकेश मुसळे, उदयसिंग पाटील, अजित मामा जाधव, अरविंद माने, अमरजीत जाधव,बंडोपंत मुसळे,राजवर्धन नाईक,नितेश पाटील,वैभव खोंद्रे,सनी अनुरकर,दिलीप पाटील,शिवाजी पाटील,सागर जाधव,रणजीत शिंदे,रमेश देसाई,अतुल शेळके,अजय दुबल,प्रवीण केर्ले,संदीप जाधव,युवराज पाटील,संदीप पाटील,श्री जगताप,बबन घाटगे,संदीप जगताप,प्रसाद अनुरकर,रमेश पाटील,अवधूत मूडशिंगकर,उमाकांत लोंढे,निखील जमाले,चौगुले,प्रेम भोसले,भूषण माने,श्रेयस जाधव,शैलेश पवार,संतोष मांगले,बबलू खाडे यांच्यासह महाविकास आघाडीचे पदाधिकारी व कार्यकर्ते उपस्थित होते.
