राज्याचे उपमुख्यमंत्री एकनाथजी शिंदे साहेब यांनी विधानसभा निवडणुकीतील यशानंतर प्रथमच कोल्हापुर दौऱ्यावर येऊन आई अंबाबाईचे दर्शन घेतले. यावेळी त्यांचे स्वागत शिवसेनेचे कोल्हापूर जिल्हाप्रमुख रवींद्र माने यांनी केले. विधानसभा आणि लोकसभा निवडणुकीतील यशानंतर उपमुख्यमंत्री शिंदे यांनी राज्यात आभार दौऱ्याची सुरुवात केली आहे. त्याचा प्रारंभ कोल्हापूर येथील श्री अंबाबाई मातेच्या दर्शनाने करण्यात आली. उपमुख्यमंत्री शिंदे यांच्या स्वागतावेळी पालकमंत्री प्रकाश आबिटकर, खासदार धैर्यशील माने, आमदार राजेश क्षीरसागर, आमदार राहुल आवाडे, आमदार अशोकराव माने, माजी आमदार श्रीमती जयश्री जाधव यांच्यासह शिवसेनेचे पदाधिकारी उपस्थित होते.
