सांगोल्याचे नूतन आमदार डॉ. बाबासाहेब देशमुख यांनी पदभार स्वीकारल्यानंतर अनेक विकासकामांचा धडाका सुरु केलेला आहेच त्याचबरोबर सर्वसामान्य जनतेच्या समस्या जाणून घेऊन त्या दूर करण्याचा प्रयत्न देखील चालू केला आहे. सांगोला विधानसभा मतदारसंघाचे आमदार डॉ. बाबासाहेब देशमुख यांनी मस्साजोग जि.बीड येथे जावून स्व. संतोष देशमुख यांच्या कुटुंबियांची भेट घेतली.तसेच त्यांच्या व्यथा ऐकून घेतल्या.
यावेळी स्व. संतोष देशमुख यांच्या अमानवी हत्येप्रकरणातील सर्व दोषींना कडक शिक्षा व्हावी अशी राज्य सरकारकडे मागणी केली. संतोष देशमुख यांना न्याय मिळावा यासाठी म्हणून आम्ही सर्वजण प्रयत्न करत आहोत आणि त्यांना न्याय मिळेपर्यंत या प्रकरणाचा पाठपुरावा करत राहू, अशा शब्दांत देशमुख कुटुंबियांना आश्वस्त केलं. यावेळी स्थानिक पदाधिकारी, कार्यकर्ते आणि ग्रामस्थ उपस्थित होते.
