वाळवा तालुक्यातील बहे येथील श्री रामलिंग बेटावरील विशाळी यात्रा दरवर्षी मोठ्या उत्साहात साजरी केली जाते. विविध गावातून लोक या यात्रेसाठी गर्दी करीत असतात. हि यात्रा उद्या २९ व ३० जानेवारी रोजी साजरी होणार आहे. पौष आमावस्येला बुधवारी यात्रेचा मुख्य दिवस असणार आहे.
तीर्थक्षेत्र व रामलिंग बेटावर रामनवमी, हनुमान जयंती व दासनवमी दरवर्षी उत्साहात साजरे होते. यंदा २९ व ३० जानेवारी रोजी विशाळी यात्रा होत आहे. बहेसह तांबवे, नरसिंहपूर, शिरटे आदी गावातील भाविकांचे रामलिंग बेटावरील राममंदिर श्रद्धास्थान आहे. महाराष्ट्रातून हजारो भाविक दर्शनासाठी येथे येत असतात.
