हातकणंगले तालुक्यातील हुपरी येथील यात्रा सुरु झालेली आहे. हुपरी शहराची वरदायिनी श्री अंबाबाई देवीची यात्रेची लगबग उशिरा का होईना सुरू झाली आहे. यात्रेच्या पूर्वसंधेला मंडप पूजेनंतर धार्मिक कार्यक्रमाला सुरुवात झाली. गुरूवारी पहाटे सासन काट्यांच्या आगमनाने धार्मिक वातावरणात पाहिली पालखी सोहळा मोठ्या झाला आहे. अंबाबाईच्या नांवान चांगभलं च्या गजरात, वाजत गाजत देवीची मिरवणुक काढण्यात आली. या मंगलप्रसंगी भाविकांनी प्रचंड गर्दी केली होती. रस्ते फुलांच्या पाकळ्या व रांगोळीने सजले होते.
यात्रेदरम्यान अनेक करमणुकीचे कार्यक्रम आयोजिले आहेत. शुक्रवारी २१ रोजी एअरगन नेमबाजी स्पर्धेतील खुला महिला व पुरुष गटातील विजयी स्पर्धकांना रोख रक्कम व शिल्ड, बक्षीस देण्यात येणार आहे. रात्री ललकार म्युझिक आर्केस्ट्रा, शनिवारी २२ रोजी दुपारी तीन वाजता महिला व पुरुषांचे निकाली कुस्त्यांचे जंगी मैदान आयोजिले असून अनेक बक्षिसे व यशस्वी मल्लांना सन्मानचिन्ह देऊन गौरविण्यात येणार आहे. यात्रेची जय्यत तयारी करण्यात येत आहे.
रुढी-परंपरेने चालत आलेले धार्मिक कार्यक्रम सुरू असून पाळणे-वाले, खेळणे- वाले, किरकोळ विक्रेते यासह विविध प्रकारचे स्टॉल्स नाना विविध प्रकारच्या वस्तूंनी बाजारपेठ सजली आह. तर फेरीवाल्यांमुळे रस्त्यावर वेढा पडला आहे .
एकंदरीत यात्रेला प्रारंभ झाला असून शुक्रवारी भरयात्रा तर शनिवारी निकाली निकाली कुस्त्यांचे जंगी मैदान आयोजित केले आहे. वादग्रस्त परिस्थितीतून काही अघटीत घडू नये यासाठी हुपरी पोलिस ठाण्याचे पोलिस इन्स्पेक्टर निंगाप्पा चौखंडे यांनी कडक बंदोबस्त ठेवून कसलाही अनुचित प्रकार घडू नये म्हणून विशेष खबरदारी घेतली आहे.
