जि. प. शाळा सांगोलकर-गवळीवस्ती या शाळेतील उपक्रमशील शिक्षक श्री. खुशालदिन शेख यांनी स्वखर्चाने शाळेत उपलब्ध करून दिलेल्या अँड्रॉइड फ्लॅट पॅनल बोर्ड उद्घाटन प्रसंगी उपशिक्षण अधिकारी संजय जावीर कार्यक्रमानिमित्त आले होते. त्यावेळी त्यांनी या शाळेतील विद्यार्थिनींना सायकल साठी म्हणून दहा हजार रुपये दिले होते. त्या रकमेतून इयत्ता पाचवीतील दोन गरीब व गरजू मुलींना सायकल प्रदान करण्यात आल्या.
याप्रसंगी जवळे केंद्राचे केंद्रप्रमुख श्री. तानाजी साळे, मुख्याध्यापक श्री. सुहास कुलकर्णी, शाळा व्यवस्थापन समिती अध्यक्षा सौ. लतिका गावडे, उपाध्यक्ष श्री. मल्हारी खांडेकर, सौ. बायाक्का गावडे, सौ. तळेताई, शिक्षक श्री. खुशालदिन शेख, श्री. श्रीमंत गावडे, श्री. गणेश व्हनखंडे सह शाळेतील सर्व विद्यार्थी उपस्थित होते.
