इचलकरंजी शहर हे वस्त्रोद्योगाचे प्रमुख केंद्र आहे. आजकाल वस्त्र उद्योगाशी संबंधित अनेक उद्योगधंद्यामुळे शहराचे औद्योगीकरण वाढत चालले आहे. यामध्ये अनेक वेगवेगळ्या कारणांनी काही ना काही दुर्घटना घडत असते. त्यामानाने महापालिकेकडे अग्निशमन यंत्रणा हि कमी पडताना दिसत आहे. ही गरज लक्षात घेऊन आमदार राहुल आवाडे यांनी शासन दरबारी अनेक वेळ अग्निशमन दलासाठी पाठपुरावा सुरु ठेवला होता. अखेर त्यांना यश मिळाले आहे.
महाराष्ट्र अग्निसुरक्षा अभियान अंतर्गत अग्निशामन सेवा आणि आणीबाणीच्या सेवांचे बळकटीकरण करणेसाठी अग्निशमन वाहन खरेदी व इतर पूरक अत्यावश्यक साहित्य खरेदीसाठी इचलकरंजी महानगरपालिकेस १ कोटी रुपयाचा निधी मंजुर झाला आहे. अनेक दिवस प्रलंबित असलेले काम शासन स्तरावर पाठपुरावा करुन मंजुर करुन आणल्याने महानगरपालिकेत आता अत्याधुनिक अग्निशमन यंत्रणा कार्यान्वित होणार आहे.
