पंढरपूर हे श्री विठ्ठल आणि रुक्मिणी यांचे पवित्र स्थान आहे. शेकडो भाविक येथे येऊन दर्शन घेत असतात. शनिवारी मुख्यमंत्री देवेंद्र फडणवीस यांनी देखील पंढरपूर येथील श्री विठ्ठल-रुक्मिणी मंदिराला भेट देऊन दर्शन घेतले. यावेळी मंदिर समितीच्यावतीने मंदिर समितीचे सहअध्यक्ष गहिनीनाथ महाराज औसेकर यांच्या हस्ते मुख्यमंत्री देवेंद्र फडणवीस यांचा शाल व श्री विठ्ठल-रुक्मिणीची मूर्ती देवून सत्कार करण्यात आला. त्याआधी मुख्यमंत्री देवेंद्र फडणीस यांनी श्री विठ्ठल रुक्मिणी मंदिर संवर्धन विकास आराखड्या अंतर्गत सुरू असलेल्या कामांची पाहणी केली आणि आवश्यक त्या दुजना दिल्या.
यामध्ये श्री विठ्ठल गर्भगृह, श्री रुक्मिणी गर्भगृह, श्री विठ्ठल चारखांबी व सोळखांबी, बाजीराव पडसाळी, महालक्ष्मी मंदिर आदी ठिकाणची पाहणी त्यांनी केली. यावेळी त्यांच्या समवेत पालकमंत्री जयकुमार गोरे, आमदार समाधान आवताडे, अभिजीत पाटील, गोपीचंद पडळकर, सचिन कल्याणशेट्टी, बाबासाहेब देशमुख, माजी आमदार राम सातपुते, विभागीय आयुक्त चंद्रकांत पुलकुंडवार, विशेष पोलिस महानिरीक्षक सुनिल फुलारी, जिल्हाधिकारी कुमार आशीर्वाद, जिल्हा पोलिस अधिक्षक अतुल कुलकर्णी, मंदिर समितीचे व्यवस्थापक मनोज श्रोत्री तसेच मंदिर समितीचे सदस्य उपस्थित होते.
