भारती विद्यापीठाचे मातोश्री बयाबाई श्रीपतराव कदम कन्या महाविद्यालय कडेगाव येथील अर्थशास्त्र विभागातील विद्यार्थिनी समीक्षा सतीश चव्हाण हिने शिवाजी विद्यापीठाच्यावतीने आयोजित केलेल्या व आष्टा येथील अण्णासाहेब डांगे अभियांत्रिकी महाविद्यालयात संपन्न झालेल्या अविष्कार संशोधन स्पर्धेत द्वितीय क्रमांक संपादन केला.
बलुतेदारी व्यवस्थेचा -हास समस्या आणि व्यवस्थापन’ या विषयावर तिने सादरीकरण केले. संशोधन स्पर्धेत यश संपादन केल्याबद्दल समीक्षा चव्हाण हिचा सत्कार प्राचार्य डॉ. व्ही. वाय. कदम् यांच्या हस्ते करण्यात आला.
याप्रसंगी डॉ. संजय पोरे, प्रा. महेश माळी, डॉ. व्ही. व्ही. नाईक आदी मान्यवर उपस्थित होते. समीक्षा चव्हाण हिला प्रा. विराज जाधव व डॉ. व्ही. व्ही. नाईक यांचे मार्गदर्शन लाभले. तिच्या यशाबद्दल भारती विद्यापीठाचे अधिकारी व पदाधिकारी यांनी अभिनंदन केले आहे.
